MSU sub-headquarters, Kawnpuiin nimin khan Kawnpui mi zirlai tithate lawmpuina hun an hmang a, Kawnpui college principal Rev Dr Zaihmingthanga’n a telpui. Zirlai titha lawmpuina hlan te hi Bachelor degree nei thar zirlai 25 leh master degree nei thar 1st division chin chunglam mi 10 te an ni.
Zirlai tithate lawmpuina hun hmanpuitu Rev Dr Zaihmingthanga chuan zirlaite chu kohhranahte, NGO-ah te inhmang tura chahin, an zirlai tibuailo tawka inhman dan thiam tur leh an lehkha zir chhan an hma hun ngaihtuaha, chhungte ngaihtuah reng chunga lehkha zir turin a chah.
MZP, Ngur branch pawhin nimin khan zirlai titha chawimawina hun an hmang a, bialtu MLA Dr ZR Thiamsanga leh MZP president Lalnunmawia Pautu ten an telpui. Zirlai chawimawite hi mi 36 an ni a, bialtu MLA chuan MZP Ngur branch kutah lawmpuina Rs. 10,000 a hlan a ni.