Cricket Association of Mizoram hnuaia hmeichhe cricketer te inelna Women’s One Day Trophy 2021 chu a match hnihna Nilaini khan an khel a. Derhken team in Zamzo Team run 39 in an hneh.
Suaka Cricket Ground-ah vuak hmasak thlang Derhken tan opener Lalhmangaihsangi chuan run 87 a siam a. Over 44.4 chhungin run 234 a team in an tlin theih phah a. Zamzo bowler zingah PC Vansangzuali’n wicket 4 a la a. Wicket 2 la C. Lalmuanpuii a pawimawh bawk.
Zamzo tan Vansangzuali’n run 73 siamin Lalremruati Pautu chuan run 31 siam bawk mahse un za an kai hnuah a khat tawka wicket an hloh reng avangin an run rate an ti sang chak tawk lova, over an hmang zo. over 50 chhungin run 195 bak an tlin thei lo.
Derhken tan Miriam L Hrahsel leh Lalhmangaihsangi ten wicket hnih ve ve an la a, maiden over vawi thum vawm a wicket khat la Malsawmdawngi a tangkai.
Zirtawpni hian Derhken in Dingdi Team hi league round hnihnaah an khel leh dawn a, Inrinni-ah Zamzo leh Ainawn an inkhel ang.
CAM Women One Day Trophy 2021
Zamzo vs Derhken
Suaka Cricket Ground, Sihhmui, Aizawl, |50 Ov.|
Toss: Derhken opt to bat
Derhken 234/10 (44.4 Ov)
Lalhmangaihsangi 87(119)
Rameng Mawii Singson 23(13)
PC Vansangzuali 4/39 (10)
C Lalmuanpuii 2/36 (10)
Lalnoi 2/54 (10)
Zamzo 195/9 (50.0 Ov)
PC Vansangzuali 73(111)
Lalremruati Pautu 31(49)
C Lalmuanpuii 25(33)
Miriam L. Hrahsel 2/17 (4)
Lalhmangaihsangi 2/37 (8)
Malsawmdawngi 1/22 (10)
Derhken won by 39 runs
Player of the Match : Lalhmangaihsangi (Derhken)