Aizawl Bawrhsap Pisapuia thawktu ten vawiin khan kangmei sulhnu thiana hnatlang leh in, kumtâwp inkhawm an hmang nghal.
Aizawl Bawrhsap Dr. Lalhriatzuali Ralte chuan kangmei rapthlak tak an tawrh laia thawktute ṭanrualnaah lawmthu a sawi a. Kumtharah hna tam tam tak thawh turin a hmuak tih hre chunga nasa zawka inpek a tul tur thu sawiin, thawktute a fuih bawk.
Aizawl Bawrhsap Pisapuia thawktute kumtawp inkhawm hi Synod moderator kalchhuak Rev Dr C Lalhlira’n hunserh hmangin a telpui a. Aizawl Bawrhsap Pisapuia thawktute pawhin an hotu officer te fakin, kangmei an tawh chungchangah an nunna atana hlauhthawnawm hial khawpin mei leh meikhu karah Bawrhsap Pisa chhan tur leh bungraw pawimawh chhan turin an hotute an che niin an sawi.