Hnahthial district bawrhsap pisa-in Krismas leh kumthar vuakveta YMA sub-hqrs. Hnahthial-in a tula an hman turin Rs. 8000 an pe a. Hnahthial SP pisa-in Rs.10000 an pe bawk.
Hnahthial bawrhsap R. Lalremsanga hovin YMA sub-hqrs. Hnahthial hruaitu thlan thar ten vawiin khan Krismas leh kumthar vuakveta mipui himna tur chungchang an sawiho a. Hnathial bawrhsap chuan dan leh thupek kenkawh chungchangah Hnahthial district-ah harsatna awm lova an hriat thu sawiin, mipui ten hlim leh thlamuang taka Krismas leh kumthar an lawm theihna tura rilru zau tak an put tlan a tul tur thu a sawi.
Hnahthial bawrhsap chuan harsatna thleng a awm chuan a rang thei ang bera magistrate leh police te hrilh thin tur a nih thu sawiin, COVID19 a darh zel loh na tura fimkhur tlan a tul thu pawh sawiin, kumhlui thlah zanah zanlai inkhawm pawh buatsaih a nih dawn loh thu a sawi bawk.