Delhi Chief Minister Arvind Kejriwal chuan tun hnaiah Omicron variant avangin ram khawpuiah berah hri kai nasa takin pung mah se inkharkhip a ni dawn lo tih Thawhlehni khan a sawi.
Kejriwal-a hian Thawh\annia Delhi Disaster Management Authority (DDMA) \hutkhawmah sorkar laipuia thuneitute chu National Capital Region (NCR) pumah inkhuahkhirhna khauh zawk kalpui turin a ngen tih a sawi bawk.
“Tun hnaiah ni khatah hri kai mi 22,000 chuang awmin endik zinga 24-25% zetin kai \hin mah se, lungngaih suh u, kan inkharkhip dawn lo. DDMA \hutkhawmah pawh sorkar laipui hotute chu NCR pumah inkhuahkhirhna khauh zawk kalpui turin ka ngen a, anni pawhin \ha an ti,” tiin a sawi tih news agency ANI chuan a tar lang.
Kejriwal-a hian Thawhlehni vek khan Lok Nayak Jai Prakash Narayan Hospital (LNJP)-a Covid-19 damlote enkawl tura inbuatsaihna kalpui dan pawh a enpui a. “Ram chhunga damdawi in \ha ber a ni a, damlo 22,000 chuang an enkawl tawh,” a ti a. “Delhi hian khum 37,000 kan ruahman a, khum 11,000 chu ICU a ni,” a ti bawk.
DDMA pawhin Thawhlehni khan thingpui leh zu dawr kharna tur thupek a chhuah a. Mi mal pisate pawh a zahvea kai tura tiin ni tin mamawh khawih pisa bik erawh a ngaihhnathiam.
Delhi-ah hian darkar 24 liam ta chhung khan mi 19,166-in Covid-19 an kai tih hmuh niin hei hi endik zinga 25% zet an tling a. A hma ni chiah aiin mi 3,500 velin an tlem zawk a; mahse, Pathianniah endik a tlem deuh avang a nih rin a ni.