Covid-19 len zual hmasak hun lai anga hri veite phurh ngai an awm a nih chuan Covid-19 Ambulance enkawl tlina an inhriat tawh loh thu Dr Lalhmuchhuaka, Medical Superintendent, Civil Hospital, Aizawl chuan a sawi.
The Zozam Times zawhna chhangin Dr Lalhmuchhuaka chuan, “Mi thar leh tha thar eng emaw zat hmanga thuam chak a nih loh chuan, a hma anga hri kai phurh kual ngaite lo awm leh ta se, tun hma anga tluang mam taka buaipui tur chuan kan tlin thei tawh lo,” a ti.
Civil Hospital, Aizawl hian nikum June thla a\ang khan Covid-19 Ambulance an enkawl \an thu Dr Lalhmuchhuaka hian a sawi a. Tunah hian Covid-19 Ambulance khalhtu hi mi 11 an neih thu leh heng zinga mi 10-in chhun zan zawmin, mahni in lamah pawh haw loa hri kaite phurh kual hna an thawh thu a sawiin, “Kum khat vel mahni ina haw mang lo a, riahchilha thawk an ni. Haw pawh ni se an chhungte leh an vengten an lo hlau \hin a. Chuvangin, helai hmunah kan inrelbawl mai hi a ngai \hin,” a ti.
Ni tina darkar 24 chhung Covid-19 Ambulance enkawla buaipui tak tak thei tur chu anmahni (Civil Hospital, Aizawl) chauh nia a rin thu sawiin, “DC-in an tlin ka ring lo a, directorate-in an thei lo hulhual dawn a, CMO leh ZMC, Falkawn pawhin an theih a rinawm loh. Chuvangin, a tlin ber kan nih ka ring a, keini bawk hi an tih leh ka ring,” a ti a. Amaherawhchu, thuam chak deuh an nih loh chuan tuna thawktute hi chu an tha a zawi \an ve tawh hle nia a hriat thu a sawi.
Dr Lalhmuchhuaka hian Covid-19 Ambulance enkawl tur hian expenditure awm ang anga inrelbawl hi thil harsa a nih loh thu a sawi a. Chutih laiin, chhungte bula khawsa loa awmkhawm leh in-volunteer-a official-a ni tina duty-tir an nih avangin ei leh inah duat an ngaih thu leh, hri laka invenna tur hmanrua thlenga tum vek a ngaih \hin avangin senso erawh in hriatpui lutuk si lohin a tam duh hle niin a sawi.
Covid-19 Ambulance bik chauha senso hi hriat theih ni lo mah se, Covid-19 avang hian Civil Hospital, Aizawl-in Rs nuai 200 dawn an sen tawh thu Medical Superintendent, Civil Hospital, Aizawl hian a sawi bawk.