Themthiamna hmanga intihsiakna, India Skills National Competition 2022, Delhi-a neih ah Mizoram aiawha telten gold leh bronze medal pakhat ve ve an la.
January 6-10 chhunga neih, India Skills National Competition 2022-ah hian Labour, Employment, Skill Development & Entrepreneurship Department (LESDE) tirhin Mizoram a\angin mi 12-te chu trade pakuaa inelnaah an tel.
Lalbiakdiki’n Shoe Making trade-ah gold medal a la a, Floristry trade-ah Maximus Lalruatkima’n bronze medal a la bawk. Heng lawmman dawngtute hian Sector Skills Council hnuaiah training an kal zawm ang a, October thlaa India aiawha World Skills Competition-a tel turin an buatsaih dawn a ni.
LESDE chuan State level Skill Competition a buatsaih a, chuta ti \hate chu Regional Level Competition, Patna-ah tel lehin chunga ti \hate chu national level competiton-ah hian an tel leh ta a, Mizoram hi India Skills National Competition-ah a vawi khat telna a ni.
He intihsiaknaah hian state leh UT 29 a\angin mi 500 chuang an tel a, trade hrang hrang 54 hmangin intihsiak a ni a. Mizoram team te hi LESDE Director K. Lalhmingliana’n a telpui.