Sport gear brand lar Reebok chuan India rama lei theih turin budget mil tur smartwatch a tlangzarh ta a, Amazon kaltlangin Rs 4,499 in i lei thei ang.
Reebok ActiveFit 1.0 hi smartwatch dang- Noise ColorFit Pro 2 Assist leh Boat Watch Matrix te nen an inel chho dawn a, Ni 15 chhung daih battery awmna leh hriselna lam kaihhnawih chawm tel tha tak tak nei hi a dingchhuak dawn em, tih a hriat thuai bawk ang.
He smartwatch ah hian color chi li- black, blue, navy leh red duhthlan tur a awm dawn a, 1.3-inch HD touchscreen leh circular face awm bawk hi smartphone nen inthlunzawmin call a dawn theih a, text a thawn theih a, social media notification thlengin a mikhual thei dawn a ni.
User te’n music playback an thunun thei a, smartphone kaltlang vekin camera function an kalpui thei bawk ang a, water resistance rating hi IP67 a lo ni bawk nen, tui huh satliah leh vaivut/khu te’n an tibuai lovang.
Battery hi vawikhat charge full khan ni 15 thleng a daih dawn a, charge full chhung hi darkar 2 vel bak a ni lova, stand-by phei chuan ni 30 thleng a daih.
Reebok ActiveFit 1.0 hi blood oxygen monitor, heart rate sensor, BP monitoring, sleep monitoring leh sedentary reminder te nen a ri thlap mai. Infiamna lam hawi atan Fitness tracking 15 a nei a, thil dang chhawm tel pawh a awm.