Covid-19 leng avangin kumin March thlaa Kolasib-a KTP General Conference neih hun tur chu sawn a ni.
KTP General Conference vawi 59-na hi Kolasib Diakkawn Field-ah March 3-6, 2022 chhunga neih tura ruahman tawh chu nimina Central KTP committee thukhawm chuan ram chhunga Covid-19 kai an pun zel avangin May 5-8, 2022 chhunga neih turin a sawn hla.
Kumin March thlaa KTP General Conference thlenna tur Kolasib-ah inbuatsaihna hrang hrang kalpui tan a ni tawh a. Nikum December thla tawp atang khan inkhawmpui pandal sak tan niin, a ruhrel pawimawh zualpui tun din a ni tawh.
Hetih rual hian, kum thar hnuah ram chhungah hri a hluar zel avangin inkhawmpui neih hun tur hi sawn mai theih dinhmuna a din avangin pandal sak hi hun eng emaw chen atang khan chawlh lailawksan tih a lo ni tawh a ni.