Prena tia hriatlar, Shweta Tiwari chuan Pathian chungchang a comment-na sawi hlawh takah ngaihdam a dil.
Web series thar, ‘Show Topper’ tihlarnaah TV actcress hian tawngkam khata kekawrte leh Pathian a hmang kawp a, hei vang hian nasa taka beih leh sawisel a tawk ta a ni.
Thinrim hle
Madhya Pradesh Home minister Narottam Mishra chuan a lungawi loh thu a sawi rualin, Tiwari laka thubuai lian tham siam turin police te a ngen nghal.
Tiwari chuan, “Ka thusawi kha a tum tak hriat tum lova lakkawi leh lakpen niin a lang a, tum reng vang emaw tum loh pawhin Pathian sawi-chhiatna leh mawi lo taka khaikhinna ka sawi ngai lovang, tih hi keimahah ka chiang.
“Mahse, a ni lo lama lakkawi a nih tâkah chuan mi tam tak rilru a na hle ang, tih pawh ka hria. Khawngaih takin, mi tumah tihnat tumna ka nei lo tih ka sawi duh.
“Hemi chung-changah pawh hian thinlung takin ngaihdam ka dil a, ka thusawi vanga rilru na zawng zawngte lakah thupha ka chawi a ni,” a ti.