BJP Mizoram Pradesh bul tumin nimin khan Mizorama eptu party-te BJP office-ah an thukhawm a, Mizoram sorkar president’s rule-a dah turin hmalak an tum.
He thutkhawmah hian MPCC, ZPM aiawh leh IAS pension thenkhat an tel a. Party aiawhte chuan Mizoram sorkar chu constitution bawhchiatna leh dan leh thupek kenkawh kawngah a hlawhchhamzia an sawi hlawm.
Eptu party-te chuan dan leh hrai kenkawhna kawngah Mizoram sorkar chu hlawhchham hlea an ngaih avangin President’s Rule-a awm tur a hmalak leh assembly session lo awm tura sorkar rintawklohna put luha hmalak an rel.
Party aiawh kalkhawmte thurel chu an party bilah theuh sawiho leh a ni dawn a, hmalak zel dan tur ngaihtuahin thutkhawm neih leh vat nise an ti.
Thutkhawm hi BJP Mizoram Pradesh President Vanlalhmuaka’n a kaihruai a, MNF sorkar hnuaiah ram mipui an him lo thu te, danin awmzia a neih loh thu te sawiin, MNF sorkar enkawlna hnuaiah ram a him tawh lo em avangin mipui himna tura hmalak a tul avanga inkokhawm an nih thu a sawi bawk a ni.