Chief Minister Zoramthanga chuan nimin khan a bial, Aizawl East 1 South Block chhunga veng pathum – Zemabawk, Falkland leh Thuampui vengte a tlawh.
Zoramthanga hian City Bus turning point siam mek a enfiah a, hemi bakah hian Beraw Tlang panna kawng te, CWC leh Zemabawk ‘N’ inkalpawhna tur te, Zemabawk High School Veng leh Bethel veng inkalpawhna tur te, Falkland leh Zemabawk inkalpawhna tur te a enfiah bawk.
Veng pathuma local council leh MNF Unit hruaituten an veng hmasawnna tura hmalak chhunzawm ngai an lo sawite chu vawi leh khatah tih nghal vek theih ni chiah lo mah se, a tahtawlin hmalak zel a nih tur thu chief minister hian a sawi a ni.
Chief minister hi Aizawl Mayor Lalrinenga Sailo, Deputy Mayor R Thanglura, Ward No. 7 Councillor Vanlalneia leh PWD hotuten an tawiawm a ni.