Lakhimpur Kheri, Uttar Pradesh-a lo neitute kawng zawh an hnung lam a\anga lirtheia chiltu nia puh, Union Minister Ajay Mishra fapa, Ashish Mishra chu lung in a\anga chhuah a ni.
Mi tang dangte chhuah dan ang lo takin tan in hnung lama gate a\anga chhuakin SUV-ah a lawn nghal.
A lawyer, Avdesh Kumar Singh chuan court hian surety pahnih, Rs. nuai 3 ve ve dah tura tiin khawpui chhuahsan erawh a phalsak niin a sawi.
Kar hmasa khan court hniam zawkin a hnawl hnuah a aia sang, Allahabad High Court chuan bail-a chhuah a lo phalsak tawh.
Police-in Ashish Mishra an puhnaah hian court chuan zawhna eng emaw zat a nei a. Chhuituten silai hmeh puah anga sawi sia thi leh hliamte zingah silaia hliam an awm miah lote chu sawi fiah turin a ti a. Ashish-an kawngzawhte su tura SUV khalhtu a ti nia police-in an sawite pawh sawi fiah turin a lo ti tawh bawk.