Mizoram Gov’t adhoc aided school teachers’ union (MIGASTU)-in provincialise an nih thuaina tura chak taka hma laksak turin chief minister Zoramthanga leh Education minister Lalchhandama Ralte te an ngen.
MIGASTU chuan tuna adhoc aided rules 1997 hnuaia enkawl mek te chu kum 1990-1995 vela din an nih hlawm avangin thangkhatlian aia rei mah hmasawn lovin an awm tawh tih an sawi a. Annual grant, maintenance grant leh Gov’t school zirlaite anga facility hrang hrang dawn ve an chak tawh thu sawiin, “Sorkar hi provincialise status-a min hlangkai turin kan ring tawk” an ti.
“Chief minister leh education minister-in provincialise status-a hlankai kan dilna a hlawhtlin theihna tura hma min laksak tawhnate thlamuanthlak kan tih rualin, kan harsatna tawh mek leh kan
mamawhnate min hriat nawn saka, provincialise kan nih thuaina tura
chak taka hma min laksak turin kan ngenin kan beisei a ni” an ti.
MIGASTU chuan “Mizoramin COVID19 hripui avanga harsatna a tawh mek laia chatlak awm lova hlawh min pek theih avangin chief minister leh Edn. minister chungah lawmthu kan sawi” an ti bawk.