Raphinha in Leeds Utd-ah contract ziah belh a tum rih lo

Leeds United star player Raphinha chuan a club in contract thar ziahpui tura inbiakna neih an duh laiin inremna thar neih lam a ngaihsak rih lova. Nipuiah amah ngaihventu Europe club liante sawmna eng ang nge a dawn a ngaichang phawt duh.
Premier League club hian an winger hi thla hmasa khan contract chungchang sawipui turin vawi hnih inbiakna neihpui an tum a. Mahse kum 25 mi hian contract chungchang sawi a duh rih loh avangin a lo hnar tawh.
Brazil international hian Elland Road-ah kum 2024 thleng contract a nei mek a, Leeds United hian hei aia rei zawk hi chelh theih an inbeisei. Hetihlai hian Raphinha hian eng ang sawmna nge a dawn a ngaichang phawt duh.
Premier League-ah erawh inkhelh chhunzawm zel a duh niin chanchinbute chuan an ngai a, team \ha zawkah, champion thei tur team a tel erawh a duh.
Mahse Leeds pawh hian contract thar, hlawh tam zawk nen ziahpui theih an inbeisei hle.
France-ah Stade Rennais tana khel tawh Raphinha hian tun season-ah Premier League goal 8 khungin midang khung tur vawi hnih a siamsak a. Leeds tana goal khung hnem ber a ni mek a, goal li khung Daniel James-a’n a dawt.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427