Zaithiam lar Rosy K. Remsangpuii chuan, mi tam tak sual chhanah mi dang emaw an chhehvel boruak an dem thin chu dik a ti lova, a pawm thei hek lo.
Kristian ram kan nihnaah thil tha lo, dik lo leh fel lo eng emaw hlekah puhmawh tur kan zawng ruai a, Setan-a hming lamin, thlarau sual kan puh/dem thul. Pathian hming lam kan awlsam ang tlukin Sual setan-a puhmawh kan thiam.
Rosy chuan, “Mi tamtakin an sual? chhan ah midang emaw an chheh vel boruak an dem thin. A dik lo. Khawi hmunah pawh awm mah ila, keimahni ah duhthlan theihna kan nei a, kan duh thu in kan sual phah in, kan duhthu vekin kan ti ve lo thei,” a ti.
Mihring mihrinna atang pawhin sual huat tak takna leh mahni inzahna atangin thlemna leh suahsualna te pumpelh leh hnar theih nia sawi bawkin, “Pathian ring em em lo tu tan pawh mahni in zah na (self respect) kan neih phawt chuan thlêmna leh suahsualna te hi eng anga itawm pawh nise, kan lo hnar thei em em vek a ni. Chumi tur chuan chakna leh theihna kan nei vek. I thei a, ka thei,” a ti bawk.