Thiamna changkang tak hmanga thuam Nokia PureBook hian 17.3″ Full HD IPS LCD display a neih dawn laiin, X14 angin Dolby Atmos leh Dolby Vision a mil thlap dawn em, tih erawh official-a puanzar a la ni lo thung.
Windows 11 hmanga run hi Intel Core 12th Gen Intel Core i3-8GB DDR4 RAM hmanga chawm a ni a, 512GB SSD nen a fuh hle. Vanduaithlak takin, chassis-a metal kan hmuh theih chhun chu top cover-a aluminium hmanga siam a ni deuh mai. He khawl hian Windows Hello a mil erawh lawmna chhan lian tak a tling pha.
Nokia PureBook pro hi color chi li- Blue, Dark, Gray, Red leh Silver duhthlan theih a ni ang a, hemi color vék hian display te zawk (15.6″) leih theih tura chhawp chhuah a ni bawk ang.
Tun dinhmunah Europe thlang lam, Africa chhak lam te bakah Thailand leh Canada-ah te tlangzarh hmasak a ni phawt dawn a, kumin tawp lam hian ram 22 tuam hman an tum. Chanchin buatsaih lai hian a man zat sawi chian a ni lo.