Tun season Hero I-League an khelh chhunzawm leh hnua an inkhel hmasa berah Aizawl FC an chak zo lova. Team \ha Mohammedan SC lakah 2-0 in an tlawm.
Ningani zana Kalyani Stadium a I-League inkhelah hian hnehna chang Kolkata club hian khelh hnih a\ang point ruk hmu in table chung ber an luah.
Thla hnih an chawlh leh hnua inkhelah Aizawl FC in Lalmuansanga goal ven tirin a hmaah Lalhmunmawia, Robert Primus, K. Lalmalsawma leh Vanlalnghenga te an ding a. Midfield-ah Joseph Vanlalhruaia, Rinreithan Shaiza leh R. Malsawmtluanga te remin tlarhmaah Jakob Vanlalhlimpuia, F. Lalremsanga leh David Lalhlansanga te bul an \an tir.
Mohammedan SC tan goalkeeper Zothanmawia bakah full-back Lalramchullova leh forward Brandon Vanlalremdika ten inkhel bul an \an.
Inkhel \an a\angin Kolkata club zawk an chungnung a. Midfield thununtu zawkah \angin minute 26-naah Mohammedan striker Marcus Joseph chuan goal a khung a, hemi hma hian Brandon-a’n goal a khung teuh. Halftime hma in Marcus Joseph bawkin Mohammedan goal hnihna a khung.
Second half-ah Aizawl FC in a tawp lamah na zawkin goal bawh mahse goal hma zawnah a hmawr an bawk \ha ngai lo.
Aizawl FC hian Thawhlehni hian Rajasthan FC an hmachhawn leh ang.