Bawngva khuaa Mamit District Sports Complex sakna tur hmuna in neitu chhungkaw 18-te leh Mizoram State Sports Council-in nimin khan inremna an ziak.
Inremnna ang chuan inneitu chhungkaw 18-te hi Bawngva VC-in inhmun an pekah an insuan ang a, MSSC-in lawmthu sawina sum an pek bakah an in hmun thara in an sak dan tur a ngaihtuahpui ang.
Nimina Aijal Club-a inremna ziaknaah Sports Minister Robert Romawia Royte-in Bawngvaa chhungkaw 18-ten an in an pe phal chu lawmawm a tih thu sawiin, Bawngva VC-ten inhmun thar an ruahman leh in thar an neih leh thuai theihna tura MSSC-in ruahmanna an siam dan pawh lawmawm a tih thu a sawi.
Mamit District Sports Complex hi Rs nuai 4,400 senga sak tura ruahman niin, karleh atanga hna tan tum a nih tih MSSC hotuten an sawi bawk.