Ultimate Fighting Championship chanchin a title fight ni lo main event nghahhlelh ber zing ami chu Pathianni zingah khan a thleng a. |hian ni \hin, fighter inhaw tak ni ta Colby Covington leh Jorge Masvidal te round nga chhung an inhmachhawn a, Covington-a’n chiang takin unanimous decision in hnehna a chang.
UFC 272 a Las Vegas a welterweight fight-ah hian round nga chhungin a khingpui hi a thunun a. Kut thlak tura ngawrh taka a nawr theih bakah a wrestling thiam a hmang \angkai a. NCAA Division I wrestler ni pha Covington hian round tin la in hnehna a chang.
A chak hnuah interim welterweight champion lo ni tawh Covington hian fighter dang, inerna boruak a neihpui mek Dustin Poirier chu a cho a. “Miami bawlhhlawh ka thianfai zo chiah a, tunah Louisiana luidung bawlhhlawh ka tihfai a hun ve leh ta. Dustin Poirier, kan la intum theih tur thu i lo sawi tawh, tunah a hmun tur chu sawichiang ang che.” tiin a cho.
Masvidal chuan chak turin a che \ha tawk lo tih a zep lova, “Ka wrestling a \ha tawk lo, wrestling lamah a aia \ha zawka inbuatsaih ka ngai. Vawiin kha chu ka che a hnip tawk lo.” a ti.
Co-main event-ah lightweight champion hlui Rafael Dos Anjos chuan chawpchilh taka siamrem a khingpui Renato Moicano chu unanimous decision in a hneh a. Kum 37 mi hian a khingpui hi kut a thlak nasa a, referee in bout a titawp mai lo chuan mak tih a hlawh zawk.
UFC 272 main card
Weight class Method Round Time Welterweight Colby Covington def. Jorge Masvidal Decision (unanimous) (49–46, 50–44, 50–45) 5 5:00
Catchweight (160 lb) Rafael dos Anjos def. Renato Moicano Decision (unanimous) (49–45, 49–44, 50–44) 5 5:00
Featherweight Bryce Mitchell def. Edson Barboza Decision (unanimous) (30–25, 30–26, 30–27) 3 5:00
Welterweight Kevin Holland def. Alex Oliveira TKO (elbows) 2 0:38
Heavyweight Sergey Spivak def. Greg Hardy TKO (punches) 1 2:16