Zirtawpni kaltaa tih-chhuah, Amitabh Bachchan channa ‘Jhund’ film chuan Indian mipui a ko khawm a, kum 79-a upa ni tawh mah se, a changtupa nih a \hulh chuang lova, box office-ah public darling a ni reng tho.
Kum 53 chhungzet Bollywood-a hming a chher tawh hnu hian chuti maiin a la uai thla dawn lo niin a lang a, upa tawh tak a nih chung pawha leading role a chang chhunzawm thei zel hian tunge a nih a, engang mi nge a nih, tih chu a hrilhfiah chiang viau awm e.
Kum 80 a hnaih tawh chung pawh hian a ko-a nghah tawh phawt chu zo takin a hlen chhuak a, producer leh financier te pawhin Mr Bachchan tan ui leh huphurh an nei lo. A film chan te hian cinema hall lamah mi tam tak a hruai lut chhunzawm zel tih chiang takin an hmu.
Mr. Bachchan hian 1979 khan ‘Saat Hindustan’ film-ah inlan tanin, a tir lamah a lar hluai lem lova, harsatna chi tin reng a tâwk chho zut zut a ni ber.
Mahse, May 1873 a tih-chhuah ‘Zanjeer’ atangin hnung lam a hawi tawh lova, ‘angry young man’ tia hriatlar niin, rampum ngaihven a ni ta.
1975 ah meuh chuan superstar dinhmunah inhlangkaiin, ‘Deewar’ leh ‘Sholay’ te chuan Bollywood-a cho phák loh dinhmunah tun thleng hian a hlangkai ta a ni ber.