Aizawl Municipal Corporation (AMC) Board of Councillors \hukhawmin a huna property tax pe lote chu an chhiah chawi tur a\anga zaa 10 chawitir an rel.
AMC BOC thutkhawm hi Ningani leh Zirtawpniah neih a ni a, mipuiin property tax an pek dan chungchang ngaihtuah a ni a, tax pe \ha duh lote an awm avangin Mizoram Municipalities (Property Tax Management) Rules, 2014-in a tar lan angin a hun a pe lote chu an chhiah chawi tur atanga 10% emaw, Rs. 20,000 aia tam lo chawitir tawh an rel a ni.
BOC \hukhawm chuan local council thar pahnih, Leitan Ramthar leh Zemabawk South din turin thutlukna a siam a, bawhhlawh paihna PPP mode a kalpui mek senso atana sharing pattern 80:20 ni thin chu ennawnin, sorkar kum thar atangin AMC-in zaa 60 leh local council-in zaa 40-ah thlak an rel a, sorkar kumthar a\angin hoarding enkawltu tur tender hmangin kum tin thlanchhuah tawh an rel bakah, AMC hmalakna hrang hrang te chak zawka kengkawh tur AMC Enforcement Committee an din thar bawk.
BOC \hutkhawma kum 2022-23 atana AMC budget Rs. vaibelchhe 65.69 an pharh chu councillor-ten an sawiho hnuah, luangrual takin an pawm bawk a ni.