Mizo table tennis player bumna avanga Taloja Central Jail, Mumbai a tang Lalrinpuia chu Thawhlehni chhun dar 1:30 khan a chhuak fel.
Rinpuia hi H. Lalruatlina, DRC, Mumbai, Rev. P.C. Nghaklianmawia leh MMA aiawhten an hruai chhuak a. Thawh\anni khan kum li, thla thum leh ni hnih a tan hnuah court-ah thiam a chang a, chhuah zalen a ni.
National level chauh ni lo, international inelnaah pawh India tana medal engemaw zat la tawh Rinpuia hi Mizoram a rawn thlen hun tur erawh sawilawk theih a la ni lova. Narcotics Control Bureau leh court lamin an case an chhui zuina kawnga a bungrua an lakte chu la chhuak leh turin buaipui a la ngai dawn a, tihfel neuh neuh tur a la awm.
Nizan khan Mumbai Mizoram House-ah ah awmin Rinpuia hi a hriselna dinhmun a \ha a, medical check up pawh a \ul angin a la nei ang.