Aizawl: Aizawl Municipal Corporation Ward IV Councillor Laltlanzova Khiangte chuan Ramhlun South a lirthei luh theihna kawng sial, ama hmingchawia phuah, ‘Laltlanzova Khiangte (Tetea) Road’ chu a hawng.
Kawng hawnna inkhawm tawi neihah thu sawiin Laltlanzova Khiangte hian, “Kan Ward-a veng hrang hrang te hi a ram thleng a rem lo tlangpui a; chuvangin, inkalpawhna \ha kan mamawh zual bik a. Tun \um kan term-ah pawh inkal pawhna \ha siam tam hi kan tum ber pakhat a ni,” a ti.
AMC a\angin \um khatah sum tam tham tak pek theih ni loin, mahni in sak anga tih beuh beuh a, a chawp te te a tih a ngai thu sawiin, “He kan kawng sial pawh hi theihtawp chhuaha tih beuh beuha kan hlawhtlinpui theih a ni,” a ti a. Kawng siam hlawhtlin theihna atana mi mal ram leh khawtlang tana an ram petu te hnenah lawmthu a sawiin, “Mi 10 laiin ram leh khawtlang tan an ram an pe a ni,” a ti bawk.
Kawng siam hna hi October, 2020 khan \an a ni a, December, 2021 khan siam zawh a ni. Kawng siam nan hian Rs 20.4 lakhs hman niin, kawng thui zawng hi 285 ft a ni a, kawng zau zawng hi 15ft niin, kawngthlanga lungrem sei zawng pawh 200ft a ni a. Kawng chhaka lungrem sei zawng hi 103 ft a ni a. Hei bakah hian step siam \hat sei zawng hi 41 ft niin turning point 28 ft-a zau siam a ni.
Kawng siam hna thawktu, Ramhlun South Local Council chuan a sum pawhkhawmsaktu, an veng pa, Laltlanzova Khiangte chungah an lawm em avang leh an chhuan em avangin kawng hi a hmingchawiin an phuah niin an sawi.