Governor Hari Babu Kambhampati chuan nimin khan Padma Shri Award 2022 dawng tur, VL Nghaka, Ramhlun South-a cheng chu Raj Bhavan-ah lengah sawmin a hlawhtlinna a lawmpui.
VL Nghaka hi Mizorama Hindi \awng zirna leh tihhmasawnna lama a thawh \hat avanga Literature & Education huang bika Padma Shri Award 2022 dawng turin thlan a ni a; March 28 hian Rashtrapati Bhavan-ah president hnen a\angin a dawng dawn a ni.
Larsap chuan \awng thiam tam pawimawhna sawiin, “Mi dangte nena kan inlaichinna leh inpawh zawk nan pawh \awng hi thil pawimawh tak a ni. Hindi te, English te, kan chhehvela chengte \awng leh mahni \awng thiam kan tum a ngai a ni,” a ti.
Kum 1954 a\ang daih tawha Hindi zirtirna kalpuia Mizoramah bul a lo \an tawh tih VL Nghaka chu Larsap hian Hindi zirtirna leh \awng tihhmasawnna kawnga a thawh \hat piah lamah, rambuai laiin a tlawmngaih leh huaisenna avanga mi dangte nunna a lo chhanhim tawh dan te a hriatin a ngaihsan thu leh a nuna entawn tur tam tak a awma a hriat thu a sawi.