FA Cup semi-final ah Liverpool leh Manchester City an inkhel dawn a. Pathianni zan quarter-final inkhelah Premier League champion nih inchuhten an khingpuite ve ve an hneh.
Liverpool an kal tluang
Nottingham a The City Ground tlawhtu Liverpool in hnehna chang turin rim taka an thawh a ngai a. Inkhel hmuhnawm leh hautakah huntawp hma minute 12 a la awmin Konstantinos Tsimikas ball cross chu Diogo Jota chuan goal-ah a khung.
Tun season a trophy pali chawi tum Jurgen Klopp-a pawlten ball chang tamin inkhel thunun zawkah \ang mahse goal khung tura an thawhrim a ngai hle a. Championship a khel an khingpuite an tlan taima.
Huntawp dawn lamah Liverpool goalkeeper Alisson-a’n midfielder Ryan Yates a tih tluk avangin penalty a chawi mai dawn niin a lang a, mahse VAR hmanga endik hnuah pek a ni lo.
Danish winger Philip Zinckernagel chuan Jota goal khung hma in goal hma hnai tak a\angin Brennan Johnson cross a khung lo bawk.
Liverpool manager Jurgen Klopp chuan, “Kan beisei ang takin inkhel a kal a, chance kan neih hman \angkai loh chuan a harsa thei \hin. Min tibuai turin an inbuatsaih a, mahse kan inbuatsaihna a \hat avangin kan tling.
City an chak chiang
Manchester City in Southampton tlawhin 4-1 in hnehna an chang a. An khingpuiten theihtawp chhuah mahse a tawp darkar chanve chhungin an tlusawp chiang hle.
St. Mary’s Stadium-ah Raheem Sterling chuan goal khung hma mahse Aymeric Laporte own goal chu Saints in first half-ah an nei ve a. Second half-ah Kevin de Bruyne penalty bakah Phil Foden leh Riyad Mahrez ten goal an khung.
City boss Pep Guardiola chuan, “Premier League a inkhel ang thovin inkhel inhnehtawk tak kan ni a, a chhan chu Southampton in player an nei \ha a, an inrem nghet thiam hle bawk.” a ti ve bawk.
Semi-final ah hi April 16-ah khelh a ni ang.