Vairengte-ah civil-in hma sawn, administration la hnung tawlh : DC

Aizawl: Kolasib Bawrhsap Dr H Lalthlangliana’n Vairengte-ah civil lama hma an sawn thlak laiin, administration lama an hnungtawlh thu sawi.
Kolasib Sub-hqrs YMA hmalaknaa district thuneitute leh thuthar thehdarhtuten Assam hnaiha kawng laihte an tlawhnaah Inrinni khan he thu hi bawrhsap chuan a sawi.
“Vairengte-a SDO(C) a ka awm lai (2005-08) khan buaina a chhuah reng rengin Lailapur-ah kan duty a, harsatna awmah Dholai lei (bridge) chin chu Vairengte police case-ah kan register \hin. A hnuah inthlahdahna tlem a lo awm a, tunah chuan IR camp thleng bak thlang lam chu tawlhthlak thiang lo ang hialah kan ngai tawh,” a ti.
Reilo tea school education director ni tura Kolasib chhuahsan tawh tur, Dr H Lalthlangliana chuan ram lak tur tam tak a la awm tih sawiin, “Pathianin hun a tih lai hian kan lak ngam loh chuan min pe lo hlen mai ang,” a ti a. “Ka sorkar hnathawhpuite pawh ka chah duh chu, ram leh hnam hmangaihna rilru hi kan neih tlat a ngai,” a ti.
Kolasib bawrhsap chuan ramria hmalaknaah journalist-te an \angkai thu sawiin, “Thil pawimawh tam tak kan sawi a, journalist-te a\angin a hun lova ri chhuak a la awm miah lo va, chu chu tun thlen theihna hi a ni,” a ti bawk.
Kolasib district MJA President Andrew VL Auva’n ramria kawng laih chu chanchinbu mi mai ni lo, Mizoram mipuiin \ha an tih thu sawiin, sum tam tak senga kawng laih chu fur leh \halah pawh zawh tlak ni tura siam nise a duh thu a sawi a. Assam lamah lirthei lut/chhuakte Lailapur-a tihdin fo chuan zin mite tan harsatna a siam tih sawiin, thuneituten enfiah se \ha a tih thu a sawi.
Sub-Hqrs YMA, Kolasib President Thomas D Lalengliana’n Assam nena inkahna a thlen hnuah tun thlengin ramri hnaihah kawng km 100 vel sial a ni tawh tih a sawi a. Tuirial piah lam, Aizawl district chhunga awm, Mauchar lamah Khawbawn panin km 5 vel laih tawh niin, Khawbawn tlang (1875 ramri) thleng tura laih hmabak km 20-30 vel a la awm a, hmalak mek a nih thu a sawi.
Rangneklian camp (political map-a Mizoram chin) a\angin km 5 vel bawk laih tawh a ni tih Sub-Hqrs YMA, Kolasib president chuan a sawi a. Hei pawh hi a piah lawkah Dholai area (1875 ramri) a awm tawh tih sawiin, tun thlengin ramri kawng laihah Assam a\angin harsatna an la nei lo niin a sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427