Aizawl: School Education Minister, Pu Lalchhandama Ralte hovin thu leh hla lam tuipuitu- pawl hrang hrangte chuan ‘Mizo Language Development Bill, 2022’ pawm tak lawmna thingpui ruai an inho.
Mizoram Legislative Assembly pakua-na, session vawi 9-na chuan, March ni 10, 2022 khan School Education Department a\anga lut, ‘Mizo Language Development Bill, 2022’ chu an pawm a, he bill hi Mizoram larsap pawhin a pawmpui tawh a, sorkar gazetted-a tihchhuah a nih velah a taka kalpui theih a ni tawh dawn a ni.
He bill lawmna inkhawm tawi neihah Education Minister Lalchhamdama Ralte chuan Mizo Language Development Bill pu luttu a ni thei leh assembly-in a pass ta chu lawmawm a tih thu sawiin, “Kan Chief Minister Pu Zoramthanga hian hnam tana pawimawh a ni tih hriain a vei em em a, ani \hahnemngaihna leh min phurpuina zarah a taka kalpui theih thuai a ni dawn a ni,” a ti.
Language Board awmna tur office tur pawh ngaihtuah nghal a nih thu leh hemi atan hian chief minister hnenah pawh ziaka dilna a thlen tawh thu a sawi a, board chairman tur pawh sorkarin pawngpaw ruat mai lovin, a thlangtu tur ‘Search Committee’ din a tul dawn nia a hriat thu a sawi bawk.
He hunah hian Human Resource Development Board Vice Chairman L.Thangmawia leh Mizo Academy of Letters (MAL), Mizo Writers Association (MWA), Mizo Grammar Society (MGS) leh Mizo Poetry Society (MiPOTY) hruaituten thu an sawi.