NABARD (RIDF-XXV) sum Rs. nuai 315.46 senga ni zung chakna hmanga Tualte khaw tana tuilakna siam, Tualte Water supply scheme chu nimin khan PHE department changtu Dy. Chief minister Tawnluia’n a hawng.
Tawnluia chuan JJM, NABARD leh a dangte kaltlangin Tui- chang bial chhunga tuilak zawhfel deuh vek tawh a nih thu sawiin, hmabak Khawhai-ah Rs. vaibelchhe 25 sengin tuilakna siam thuai tum a nih thu a sawi a. A bial chhung mipuite atanga hmangaihna, duhsakna leh chawimawina a daw- ng thin chu ropui a tih thu a sawi.
Dy Chief minister chuan Tualte khua Tomato chingtu ten sorkar atanga puihna piahlamah an kutka- wih ngeia hlawhtlin tuma taima taka hna an thawk thin leh Horticulture department hmalakpuina fa- kawm a tih thu sawi- in, khawdang hawi lova taima taka ching chhunzawm zel turin a chah a. Sorkar flagship programme SE- DP kaltlangin kuthnathawktute tan theihtawp chhuah tum a nih thu sawiin, a thawhkhat nan Rs. 50,000 a bultan tum a nih thu a sawi a. \Tualte atanga Bungzung inkalpawhna siam tum pawh bawhzui mek a nih thu a sawi bawk.
Khawzawl bawrh sap CC. Lalchhuang- kima’n project zawh hun bituk aia hma daiha Tualte water supply scheme zawh a ni thei chu lawmawm a tih thu sawiin, PHE department changtu Dy CM leh thawktute inpekna a fak a. Senso tlem leh hautak lo tak, ni zung chakna hma- nga tui pump-na Tualte khuain an nei ta chu a lawmpui thu sawiin, Tomato thar chhuak nasa leh hna- thawh kawnga thalaite thanharhna hmun Tualte khuain malsawmn- a dawng tlaka hna an thawk thin chu Zoram khawvelin a hriatpui tawh thu leh chhawmnung zel tura a duh thu a sawi bawk a ni.