- Lallunghnema, Charity Lodge

Kan thu leh hla hnuhnung berah khan Rinawmna pawimawhzia kan sawi chhuak tawh a.Consumer kan tih thin thil zuartute, hralhtu leh service petute hian rinawmna hi an ngaih pawimawh a, an neih a tulzia kan sawi uar viau mai a. Rinawmna tel lo hi chuan thil zawng zawng hi a fel lo nuai mai. Sumdawng rinawm lo chu a hlawhchham thin! Rinawm lohna rah chu inbumna a ni. Dawrkai rinawm lo chuan amah dawrtute a bum thin. Thil zuartu tam tak chuan an bungraw man inbel(label) thai chhiat emaw ziah chawp emaw an ching a.A tam thei ang ber hlep an tum thin vang a ni…chu chauh a ni lo, eirukna lian tak a tling a ni.Consumer-te rawkna chi khat a ni tel bawk.Heng thil sual lian tak hi Consumer-te hian kan do let ngam ang em? tiin kan inzawt a ni.
Nitin Consumer-te hian kan thil lei leh hmannaah thil tha lo kan tawh mek reng a.Chutihlai chuan service provider thenkhat consumerte tana inhawng an lo awm chho mek zel bawk. Chanchin tha duhawm tak takte a ni. Hetih lai hian sumdawngho leh thil hralhtu tam zawk chuan anmahni hma chauh ngaiin mi tam tak chungah hleih neiin corruption an la practise reng a, thil buk an titling duh lova,bungraw lem an zuar a,bungraw hlauhawm an hralh a. MRP aia sangin thil an hralh thin. Chhuanlamah ‘Discount’ an uar hle.A lova luak chhuak khawp leh inthlahrunna nei miah lovin thil man an tisang thin a ni. Buk tling lova thil hralhte leh MRP aia sanga thil hralhte hi Dan bawhchhiatna a ni tih hre thin mahse,an rinawm loh miau avangin Dan bawhchhiatna chu engahmah an ngai lova. Sum menin an menga khaw eng an hmu tawh thin lo a ni. Hengho hi consumer mi rinawmte tan hmelma lian ber an ni.Ram mipui tan thatna reng an nei lova. Khua leh tui tha an tling ngai hek lo. Sumdawng rinawm lote hian consumer khawvel hi an chawk buai reng a ni.
Hun rei lote chhungin an hausa thur thur a,mahse an rinawm loh miau avangin rei an hkim ngai lem lo. Kut tling lova an sum lakluh chuan an lu chungah meiling an chhek khawl a,anmahni ngei awhna tur an kam a,chu thangah chuan an awk thin a ni.
Mahse maw, mak deuh mai chu consumer zinga a tam zawk chuan an tuarnate chu an hmachhawn ngam lova, an sepui ruah do tlawk tlawk mai thin zu nia maw le! Heng an tuarnate hi an hriat loh vang a ni a,an changkan tawk loh vang emaw an at vang emaw a ni thin.Mizo mipui chenna changkang, motor ropui kalkawng chhia hi kan identity a ni..
An mawl luat avanga an tuar mek lai hian chanchin duhawm dang a lo awm ve leh zel mai.Chu chanchin tha chu hei hi a ni. Sap tawng kherin a inziah dan ang ang hian ka han tarlang ang e.
GREAT NEWS,CONGRATULATIONS! AIRINDIA PASSES THEAIR FAIR FOR ALL CITIZENS OF INDIAN NATIONALITY AND PARNAMENTLY RESIDING IN INDIA OVER 60 YRS OF AGE GET AIRINDIA TICKETS AT HALF THE PRICE FOR TRAVEL WITHIN INDIA” A chiang mai ang chu maw. Mizo rama awm Mizote hi Sap tawngin tawng tha thei lo viau mahila, a ziak hi chu kan thiam viau,hriat pawh kan hre thiam thei viau bawk. Chuvangin ka thuchhuah hi kan sawifiah lovang. I hriat thiam loh chuan i thenawmpa emaw i thenawmnu emaw kha zawt mai rawh. Chutiang lo pawhin in Vengah MUP member Tuipui ral rama mite tawng thiam an awm kha.Sap tawng leh Mizo tawng thiam an tam kha. Senior Citizente hi Consumer an ni chiang hle a.Kei chu ka fel a, harsatna ka nei lo, i a ni mai thei. Thil i lei rual khan consumer a ni e.Consumer ni tur hian fee pek a ngai lo, a tul i lei emaw mi tha leh zung i hman khan consumer i ni bawk. Dikna leh chanvo i nei e. Harsatna i neih chuan eng Tlawmngai Pawl member pawh ni la,consumer i ni hrim hrim.He lam buaipuitute hi hrilh mai thin ang che.Nangmah buaipui tur chein an inkau reng e.
Thlawhtheihna Company tam takin sum harsatna an tawh lai leh Flight Ticket latute an tihbuai laia hetiang a Senior Citizente chhawk zangkhaina tur Air India TATA-in thil tha tak a han ruahman hi malsawmna dawng tlak tak an ni.Consumerte thawvenna thlentu lo ni mawlh rawh se.MUP memberterten ngaihven teh u, a tha em mai.Consumer in nih vek kha.
He changvawn hian kan article ka titawp ang.
Mitin, mi hausen,
Bumna laka fihlim tum,
Thil lei apiang bel chiang hmasa mi,
Dawrkaite ngam loh,
Sumdawngte huat rawn!
Hralhtu leh tha leh zung leisaktu
Cash memo leh reciept la zat zat thintu,
A thil lei sawisel ngamtu chu
Mihring changkang dik tak a ni a,
Consumer pasaltha dik tak a ni.