Mexico khawthlang lam, Michoacán-a mi sualten ar insualtirna hmun an beihnaah mi 19 vel an that niin thuneituten an sawi.
Las Tinajas khuaah hian sorkarin a phal loh, ar insualtirna hmuna mi pung khawm chu silai kengte hian luhchilhin an kap ta chiam mai niin tual chhung chanchinbute chuan an tar lang.
Mi sualte chet chhan hi hriat a ni lo va; mahse, heng lai hi mi sual rual (gang) tamna hmun a ni.
Mi sual pawl, inhal site inbeihna hi thil thleng fo \hin a ni.
Tun hnaiah hian Mexico ram chhung hmun hrang hrangah gang-te hian an hmelmate beih nan, hmun khata an awm khawm tamna chuhin mitthi vuina te, thlahna te, bar leh club velte beih chiam an ching thar hle.
Forensic lama thiamte chuan Las Tinajas-a thi mipa 16 leh hmeichhia pathumte chu silaia kah hlum vek an ni tih an sawi a. Eng emaw zatin hliam an tuar bawk.
Thil thleng hmutute chuan an pawng kah chiah hnuah hian a kaptute hi car hrang hrangin an tlanchhe zui niin an sawi.
A hmunah hian sipai tirh luh niin a titute hi an zawng zui mek.
Las Tinajas hi petrol ruk leh sorkar enkawl petrol pipeline tipawpa ru \hin pawl tamna a ni a. Pawl hrang hrang hi inhal leh inthah ching tak an ni bawk.