Aizawl: Vl Nghaka, Ramhlun South chuan Thawhtanni khan Rashtrapati Bhavan-ah President Ram Nath Kovind hnen atangin India rama chawimawina sang, Padma Shri a dawng.
Mizorama Hindi zirna leh tihhmasawnna lama a thawh that avanga Padma Shri hlan tak VL Nghaka hi kum 1930 khan a piang a. Kum 1954-ah Hindi Visharad zovin Mizo zingah a hmasa ber nihna a hauh a; kum 1976-ah M.A leh kum 1980-ah M.Ed. a zo leh bawk a ni.
School Education Department-ah hun rei tak mawhphurhna pawimawh tak tak a chelh hnuah DIET, Aizawl principal hna thawk a; kum 1991 khan sorkar hna atangin a chawl a ni.
VL Nghaka hian kum 1954 khan Kawnpuiah Assam Hindi Prachar Samiti a din a, hei hi Mizoram Hindi Prachar Sabha tih a nih hnuah pawh hun rei tak hotu lu ber a ni zui a; tunah hian adviser a ni mek.
Rambuai laiin India sipaite leh MNF inkarah trawng lettu ah a trang thin a, lehkhabu eng emaw zat ziak tawhin, a lehkhabu ziah zingah Hindi Grammar, Hindi- Mizo Dictionary leh Hindi Pariksha Sahayika te phei chuan ngaihhlut a hlawh hle a ni.