Covid-19 vanga J-Hope enkawl dam a nih hnu maiah BTS member dang Jungkook chu hripuiin a luhchilh ve ta a, heti hian member pasarih kimin an kai.
An mahni enkawltu Big Hig Music tarlan danin, Las Vegas pan tura an thlawhchhuah hma lawkin PCR test-ah an vai hian an negative vek a, US an thlen ruala rapid leh PCR test neih kawpah Jungkook hi a fihlim ta lova, a hrawka insawislena a lo nei bawk nen, hri a kai ngei tih finfiah a ni.
Vanneihthlak takin, hrawk thip tih loh insawiselna liantham leh langsar a nei lo hlauh a, tunah hian quarantine niin, a dinhmun uluk taka viil zui a ni bawk.
Nikum leh kuminah a thiante paruk- RM, Jin, Suga, Jimin, V leh J-Hope te chu covid-19 in a nuai vek a, insawiselna nei ve bawk mah se, dinhmun hlauhthawnawm ah an ding lo.
BTS hi 2022 Grammy award, April 3 a neih tura zai tur an ni a, hemi hnu hian Las Vegas khawpui nuai chhunzawm turin April 8, 9, 15 leh 16 ah te an chechhuak leh ang. Jungkook a tel ve thei dawn em, hriat a ni lova, tualchhunga Covid-19 inkaihhruaina danin a tel leh tel loh tur hi a hril ang.