Tun NBA season a vawikhatna atan Los Angeles Lakers chu NBA Play-in tournament khel pha lo tur dinhmunah an ding a. Nilaini zingah 128-110 a Dallas Mavericks laka an tlawm avangin 11-naah an tla thla.
An thiampuipa LeBron James leh Anthony Davis te tel lova inkhel Lakers hian Mavericks lakah point 37 laia hniam zawk an nei hman a. Mavericks star player Luka Doncic chuan point 34, rebound 12 leh assist 12 a nei a, 4th quarter khelh hma in triple-double a nei der.
Lakers hi Western Conference-ah 11-na an ni a, khelh sarih an la hmabak. Vawi 31 chak a vawi 44 tlawm nei lai an ni a, No. 10 a awm San Antonio Spurs nen intluk mahse San Antonio chu tiebreaker a chan \ha zawk an ni.
Match 7 la awmah team hrang paruk an hmachhawn dawn a, heng team-te laka an record hi vawi 4 chak, vawi 10 tlawm a ni.