Tawng chhuah leh thil ziah lama harsatna (aphasia) natna vangin filmstar lar tak Bruce Willis-a’n lemchan khawvel a chawlhsan ta.
Hollywoo veteran dinhmun leh chawlh thu hi a nupui Emma Heming-Willis leh a nupui hlui Demi Moore te chuan Instagram kaltlangin an tarlang.
Kum 67 mi hi Die Hards film-ah te John McCalire lema changin filmstar lar tak dinhmunah a vawrhchhuak.
Chhungkua anga thuchhuah intawm an siamah, “A ngaiinat leh thlakhlelh em em a eizawnna kalsan ta chu a ni a, chhungkua ang pawha chona nasa tak kan hmachhawn lai a ni a. in hmangaihna, in duhsakna leh thlawpna zawng zawng avangte’n kan lawm hle a ni, an ti.
A fanu panga (Mrs Moore nen pathum) leh Ms Hemming-Willis nena an fanu pahnih te’n an Pa hi kawng engkim an thlawp tha in, an enkawl thla hle nghe nghe.
Bihchiang ang
Bruce Willis hi 1980s chho khan lemchan khawvel a dai lut tan a, mahse chuti maia hriatlar a ni nghal mai lo.
Kum sawm velzet a tal hnu ah ABC TV series Moonlighting atangin sawi hat hat a ni ta a, 1988 kuma Die Hard film a chan atang phei chuan khawvel hriatlar tak a ni chho nghal.
Hemi hnu hian film lar tak tak- The Sixth Sense, Armageddon leh Pulp Fiction ah te inlan leh in, heng film atanga sum lakluh hi $Bilion 5 chuang niin, Variety-in a tarlang.
Golden Globes-ah vawi nga nominate a ni tawh a, Moonlighting atangin pakhat a dawng a, Emmy Award pathum atangin pahnih a champion pui bawk.
Lemchan khavela lar leh hriathlawh te’n Bruce Willis-a chawlh thu an hriatin, pawi an tihpui a, amah leh a chhungte duhsakna thami an hlan hlawm.
Bruce Willis hmunruak luah theih a ni tawh dawn lova, a uiawm vawng vawng hle ang.