Indian pakhat chuan ram chhunga thlawk kual chi airline pakhat website chu a bungraw bo chhui nan a hack tih a sawi.
Kum 28 mi, Nandan Kumar-a hian India-a thlawhna chuan man tlawm chim IndiGo hnenah mi dang nena an bungraw inthleng zawnpui tura a ngenna chu an puih \hat tawk loh avangin amahin a inbuai ve hmiah mai a ni.
IndiGo hian Kumar-a nena bungrua inthleng hi an zawnpui lo va, an website chu a ruka haisakin amahin a zawng ta a ni.
IndiGo chuan an website chuan buaina a tawh phah engmah an hre lo tih an sawi thung.
Kumar-a hian professional hacker a nih loh thu a sawi a; mahse, a bungrua a hmuh let ngei theih nan hetianga a tih hi a \ul ta tih a sawi.
Software engineer Kumar-a hian thlawhna \umhmuna an bungrua an nghah laiin an chuanpui pakhat chuan lo lain a kalpui ta mai nia a hriat thu Twitter-ah a tar lang.
An bungrua hi a inan em avangin amah pawhin in a thlen hnuah chauh a ta lo a hawn tih a inhre ve tho bawk.
A bungraw thlengpuipa hi an bungrua lehkha bel, Passenger Name Record number (PNR) a\angin a hming a hre thei mai a; mahse, airline hnenah a hming bak hriat tuma a zawh chuan mi mi mal thil a nih avang leh data protection rules-in a phal loh avangin an hrilh duh lo tih a sawi.
IndiGo chuan an customer care team chuan dan zam zawmin passenger-in a chuanpui nihna kimchang hriat a rem lo tih an sawi.
“Agent ka biak chuan an chhui chhuah hnuah min hrilh tur thu a sawi a; mahse, min rawn be ta miah lo a ni,” tiin Kumar-a chuan a sawi.
IndiGo airline chuan bungrua chu an chhui zui ngei thu leh call a lak loh avangin tihngaihna an hre lo tih a sawi.
Hetiang a nih avang hian Kumar-a hian ama inbuaipui chu a bungraw hmuh let leh theihna kawng awmchhun nia ngaiin an website lamah a \uan ta a ni.
IndiGo website haisak tur hian a bei nasa a, a hlawhchham ve fo niin a sawi bawk.
A luh theih hnuah pawh a bungraw latu phone number emaw, email emaw bak a en loh thu a sawi bawk.
Phone number a lak a\angin a bia a, inhmuin an bungrua pawh an inthleng leh ta a ni.