Serchhip District Junior Cricket Tournament chu khelh zawh a ni a. Final-ah Lungpho CC Junior in run 62 in HV CC Junior an hneh.
Khawtetlang Playground a kum bithliah cricket inelnaah hian team nga an tel a, Serchhip khaw chhung a\ang team li telin town area pawn a\anga tel Lungpho CC Jr. an champion a ni.
Final inkhelah HV CC. Jr. in vawm an thlang a, Lungpho tan Lalpekhlua chuan out lovin run 25 a siam a, Remruatsanga’n run 20 thawh bawkin over 15-ah run 101 an siam.
HV CC in over 14.1-ah run 39 chauh an siam theih avangin Lungpho in hnehna an chang.
Lungpho hian final an khelh hma in semi-final ah AO3C chu wicket nga in an hneh tawh.
HV CC player Samuel Lalmuanpuia chu Emerging Player chawimawina hlan a ni a, Zohmangaihsanga, Lungpho CC Jr. chu Player of the Tournament a ni.