Spotify-a Ed Sheeran hla billion 1 stream tawh hla 10-na ni turin ‘Bad Habits’ a lang ta a, kum 31 mi tan hun chhinchhiah-tlak a thleng.
Ed Sheeran hian heti ang dinhmun thleng thei tura ngaihthlak lama tan la thin leh amah duhsaktute chungah lawmthu a sawi a, ‘Perfect’ hit siamtu tan mel lung pawimawh tak a tling.
“Thiante u, ‘Bad Habits’ in Spotify-ah billion 1 stream a hlawh ta a, he dinhmun thleng thei ka hla 10-na chiah a ni lehzel a, ka lawm hle.
“Ka hla zawng zawng ngaina, stream thintute chungah thinlung takin lawmthu ka sawi duh a ni. Kum khat em pawh a la tlin hmaa heti ang dinhmun a thleng thei hi chhuanawm ka ti a, lawmna nasa tak min thlen a ni. Min play sak vangin ka lawm ngawih ngawih,” tiin Facebook katlangin lawmthu a sawi.
Nikum khan Ed-a hla hit, ‘Shape of You’ chuan Spotify-ah billion 3 stream a hlawh tawh a, rimawi khawvela hla play hlawh leh ngaihthlak hlawh ber zingah a langsar vah mai.
Hetih lai hian, he hla vek vang hian rilru hrehawmna tur neuh neuh a nei a, hla copy anga puhna leh thubuai siamsak hial a nih takah chuan Court-ah inlan thinin, hun harsa tak a paltlang mek thung.