Pakistani hruaitu, paih thlak tum mek, Imran Khan chuan Thawh\anni khan chief justice hlui, Gulzar Ahmed chu prime minister nihna chelh lailawk turin a rawt.
Khan-a hi prime minister lailawkin chanvo a lak hma chu hi a nihna ngai a la chelh rih dawn tih President Arif Alvi-a thuchhuahah tar lan a ni.
President Alvi hian Prime Minister Khan leh National Assembly \hiah taka eptu leader, Shehbaz Sharif hnenah lehkha thawnin prime minister tur rawt turin a ti tih Dawn chanchinbu chuan a tar lang.
Lehkhaah hian NA leh cabinet chu danpuiin a sawi angin Pathianni khan \hiah a ni tih tar lan a ni bawk.
Alvi-a lehkhaah hian NA \hiah a\anga ni thum chhunga mi ruat thar chu pawm a nih loh chuan speaker-in committee a din hnenah mi pahnih ve ve an rawt thei dawn tih tar lan a ni a. Committee-ah hian NA emaw, Senate emawa member rorel leh eptu member inzat chiah an awm tur a ni.
Committee-a tel turte hi rorel lai leh eptu lam a\anga tel turte chu prime minister leh eptu leader ten an rawt dawn a ni.
Danpui hian NA \hiah taka prime minister leh eptu leader rawn chungin president-in prime minister lailawk tur ruat theihna a pe tih President’s Secretariat thuchhuah chuan a tar lang.
Hetih lai hian eptu hruaitu, Sharif-a chuan an thil kalpuinaah hian tel a tum loh thu leh ‘dan lo’ a nih thu a sawi a. President leh prime minister chuan dan an bawhchhia nia sawiin engtin nge eptute an rawn ve theih zawk tih a sawi.
Sharif-a thutlukna chungchangah hian information minister kal chhuak ta, Fawad Chaudhry chuan, “Pakistan hi inthlan ngai a ni a, Shehbaz-a hian tel ve a tum lo va, a duhthlanna a ni mai. Vawiinah president hnenah hming hnih kan thehlut a, Shehbaz-a hian ni sarih chhunga a thehlut lo a nih chuan hming lut zinga mi a\angin thutlukna kan siam ang,” a ti.
Thawh\anni chawhma lam khan Cabinet Secretariat chuan thuchhuah siamin Khan-a chuan prime minister pisa a la luah rih dawn tih a tar lang.
An ram danpui Article 94 chuan president-in prime minister chu amah thlaktu tur ruat fel a nih hma chuan a nihna chelh zui turin a ti thei tih tar lan a ni.
Tar lan tawh angin President Alvi hian Prime Minister Khan-a thurawn angin NA hi Pathianni khan a \hiat a. A hma lawkin Deputy Speaker Qasim Suri chuan eptute no-confidence motion put luh chu buk tura tih ni mah se member 342 awmna rorelna inah hian bul loh turin a ti a ni.
Supreme Court kutah Khan-a hma hun
Pakistan Supreme Court chuan Prime Minister Khan-a hma lam hun hi eptuten an thlen angin a ngaihtuah dawn.
Tar lan tawh angin Khan-a hi tun hnaiah paih thlak tuma beih a ni.
Pathianni khan eptuten amah rintawk lohna an put luh chu buk lovin hnawl a ni a, an ram rorelna in chu thiah a ni.
Khan-a hian amah paih thlak tumna chu United States inrawlha amah an phiarhna niin a sawi a, US erawh chuan an pha.
An rintawk lohna an put luh buk a nih loh avang hian eptute an thinrim hle a, Supreme Court-ah petition thehlutin bukna tur a theih loh chu dan lo a ni tih an sawi.
Court hian Thawhtanniah thu a tihtluk hman beisei a nih laiin Thawhlehni atan sawn leh a ni.
Khan-a hi an ram sipaite puihna nena thuneihna chang zui taa sawi thin a ni a, tun hnaiah an inkar a tha ta vak lo bawk niin an ram politics thlirtute chuan an sawi.
Amah thlawp thinten an phatsan nual nen, he hun hi eptute chuan chuhin amah rin lohna hi rorelna inah an pu lut ta a ni.
Pathianni khan MP-te chu thukhawmin Khan-a hi buk tura ngaih a ni a; mahse, buk theih a ni ta lo.
Deputy speaker-in rorel a kaihhruaiah hian eptute thiltih dan chu dan lo nia sawiin Khan-a pawh a buktir lo.