Tamil superstar Vijay film thar ‘Beast’ chu April 13-a tlangzarh tum a nih laiin, Kuwait ramah chhuah khap a ni dawn nia tarlran a ni.
Film beiseiawm leh nghahhlelhawm tak ni bawkah hian hostage drama hmuh theih a ni dawn a, Dirctor Nelson Dilipkumar siam-ah Vijay hi a changtupa niin, Muslim te chu firfiak anga tarlan nia sawi a nih avangin Kuwait sorkar chuan a la thutak hle.
Heti ang deuh tho hian ‘Kurup’ leh ‘FIR’ film te chu Kuwait ramah chhuah khap a lo ni tawh a, Muslim an tarlan dan chu en liam chi ah an ngai lo.
Arabs ram thenkhatah an dawnsawn mai theih laiin, firfiak anga Muslim tarlan leh heti ang lam hawia phochhuah an nih hian Kuwait sorkar hi a ham ‘strict’ hle thin a, ram-chhunga tihchhuah a remchang lo hle.
Vijay hi middle-east ramah te khuan ngaihsan a hlawhin, fan tam tak a nei a, a lar vet vet hle. A film thar, ‘Beast’ in khap a hlawh tak si ah chuan India ram pawn atanga sum lakluh leh hawn tur nasa taka a tihkiam rin a ni a, sumdawnna ang zawnga thlir phei chuan uiawm tham tak a ni ang.
Hetih lai hian, mak ang reng takin ‘Beast’ film thar hi UAE leh Arab ram thenkhatah chuan harsatna engmah awm lova tlangzarh a ni dawn thung.