Premier League a\anga tlak loh hram tum club pahnih an inkhel a. Maxwel Cornet chuan huntawp dawnah chakna goal khungin Burnley in 3-2 in Everton an hneh.
Nilaini zana Premier League table mawng lama awm club-te inkhelah hian Ivorian forward in Everton goalkeeper Jordan Pickford leh defender Ben Godfrey te chetsual chu remchangah a la a. Tun season a vawi li nan Sean Dyche-a pawlte league-ah an chak.
Turf Moor a inkhelah an chak avangin Burnley hian an chunga awm Everton hi point khat chiahin an pha lo mek a, 18-naah la awmin Everton in 17-na an luah.
Inkhel hmuhnawm takah Nathan Collins chuan minute 12-naah Burnley tan goal hmasa a khung a. Everton tan first half-ah Richarlison chuan penalty vawi hnih a khung a, second half-ah Jay Rodriguez chuan Burnley si phurh a sut ve leh a ni.
Second half-ah Everton in goal nawr na zawkin chance \ha insiam hnem zawk mahse an khung thei lova, kum 68 chhung English football a league sang bera an khelh tawhna chu tihtawp hlauhawmah a awm mek.