UEFA Champions League champion lai Chelsea dinhmun a hmawr a. Real Madrid striker Karim Benzema hattrick avangin quarter-final a tla thei dinhmunah an ding.
Stamford Bridge a Nilaini zana quarter-final first leg-ah Carlo Ancelotti-a’n Premier League leh FA Cup a chawi kawpna hmunah a team a hruai a. France striker Benzema chuan tunlaia striker \ha ber a mi tam takin an chhal chhan a tilang.
Kum 34 mi hian round of 16-ah Paris St-Germain haw tir turin hattrick a siam tawh a. First half-ah minute 21-na leh 24-naah mawi takin an goal hmasa pahnih a tauh lut.
Kai Havertz chuan goal khat khungin Chelsea beiseina siam mahse an goalkeeper Edouard Mendy ball petchhuah \ha tawk lo a\angin Benzema chuan an goal thumna a khung a. Real Madrid dinhmun a \ha hle.
‘Bon-zema’
France international striker hian tun season-ah inelna hrang hrangah goal 37 a khung tling tawh a, Champions League bikah goal 11 a khungna a ni. Kum 34 mi a ni tawh chungin tun season a Real Madrid chakna hnar a ni a. Amah vangin Real Madrid goal nawr a hlauhawm \hin a, Chelsea lakah pawh Vinicius Junior nena an inkawp chu Blues tibuaitu ber a ni.
Yellow Submarines
Villarreal tan forward Arnaut Danjuma bawk a che leh a. Champions League quarter-final first leg-ah Bayern Munich 1-0 in a goal khung avangin an hneh.
Dutch forward hian minute 8-naah Dani Parejo ball siamsak chu goal-ah a khung nghal a. Spanish club hian Francis Coquelin hmanga goal an khung nawn chu pawm a ni lova, Gerard Moreno chuan goal ban a pet per bawk.
German champion in nidang an pha lo hle a, second half-ah bak goal hlauhawm mumal an nei lova. An tlarhnung a nghet lo \hin bawk.
Bayern coach Julian Nagelsmann chuan, “Kan \ha tawk lova, kha vang khan vawiinah tlawm kha kan phu. First half-ah chance kan insiam lova, tlarhnungah thahruiah kan hneh lo. Second half kha kan thunun thei lova, goal hnih vel tal chhuah belh thei dinhmunah kan ding.” a ti.