Kum 2000 tir lama boy band lar vanglaia UK lam atanga rimawi khawvel rawn barakhaihtu BLUE chuan September 8 hian an lo kirlehna album thar, ‘Heart and Soul’ an tichhuak dawn.
Kum sarih hnu-a album hmasa ber tur a nih rualin, comeback tour erawh an tikhawtlai thung. Lee Ryan, Duncan James, Simon Webbe leh Antony Costa te telna BLUE te hian 2001 khan debut album, ‘All Rise’ tichhuakin, rimawi khawvelah hming an chher.
Boy band hun a liam hret hret hnu khan an ni pawh hian solo kawng te zawhin, band angin an kal hlei thei tawh lova, an reh hlen mai dawn emaw tih laiin, 2015 khan a vawikhana ni turin, ‘Colours’ album an tichhuak hlawl mai a, fan te an barakhaih.