Assam police chuan Thawh\anni khan Chabua leh Moran district-ah pawisa lem hmanga thil kalpuina lian tak hai chhuakin mi pali an man.
Officer-in-Charge (OC) Tulumoni Duorah kaihhruai Chabua police hian pawisa lem Rs 26 an man.
Mi pali an man zinga pathumte hi Bipul Gohain, Utpal Saikia leh Sanalata Chakraborty an ni tih hriat a ni tawh a. An vai hian pawisa lem hi chhu chhuaka thehdarh \hin nia hriat an ni.
Bipul Gohain leh Utpal Saikia hi Chabua-a cheng an ni a, Sanalata Chakraborty hi Moran-a mi a ni ve thung.
Police-ten Chabua-a pawisa lem an mannaah hian pawisa lem tho, Rs nuai hnih an man tel bawk.
An mi mante hi court-ah hruai an ni tawh a, court hian police kuta awm zui rih turin a ti a. Police-ten thu an zawh fiahna a\angin Moran district-ah pawh pawisa lem siamna an nei tih hriat a ni a, he hmun hi dap zui lehin pawisa lem \hahnem tak an man zui leh a ni.