Aizawl: YMA Central Co-ordination Committee vawi 93-na chu Cultural Centre, Bawngkawn South-ah nimin khan an \hukhawm.
Central YMA President R. Lalngheta kaihhruaiah hian General Secretary Prof. Lalnuntluanga’n Co-ordination Committee hnuhnung ber leh nimina an \hutkhawm leh inkara Central YMA hmalakna tlangpui a report.
Khawzawl Sub Hqtr. YMA hruaitute hnen a\angin Khawzawl – Ngaizawl inkar kawng siam meka hmalak dante ngaihthlak a ni a, Kolasib Sub Hqtr hruaitute a\angin tun hnaia Kolasib leh Aizawl district hmun \henkhata Mizoram leh Assam ramria ramri chhan nana kawng laih an enkawl chungchanga an hmalak dante ngaihthlak a ni.
Champhai leh Hnahthial Sub Hqtr. hruaitute hnen a\angin Myanmar a\anga Mizorama raltlan lutte dinhmun leh an harsatna tawh mek te, an hmalak dante ngaihthlak a ni bawk.
Central Co-ordination Committee \hutkhawm chawhnu lamah rorel niin YMA Gen. Conference Vawi 73-naa rorelte bawhzui dan tur ngaihtuah a ni a, ‘Mizoram ramri hi sorkarin a rang lam a chin fel dan ngaihtuah rawh se’ tih chu Central YMA-in a lo bawhzui tawh dan leh chief minister leh Boundary Committee-ah ziaka thlen a nih tawh dan te ngaihthlak a ni a, bawhzui zel an rel.
‘Zirna school-ah Mizo hnam lâm zirtir a nih theih nan sorkarah thlen ni rawh se’ tia an lo rel tawh chu a hlawhtlin theih nan hmalak zel an rel a, hemi kawngah hian YMA-te tih ve tur a awm anih chuan theihtawp chhuah a, a remchan dan angin Branch-te inpeizawn tlan nise, an ti bawk.