Thla thara an party chhunga inthlan turah Congress member-te chu digital hmangin an inziak lut mek a, Sonia Gandhi pawh member atan a inziak lut veleh.
Congress worker vaibelchhe 2.6 vel zet digital hmanga member inpeknaah hian an inziak lut tawh a. Kum 137-a upa party-in hetianga inziak luh an huaihawt mekah hian lehkha hmanga inziah luhnaah hian mi vaibelchhe 3 vel an inziak lut tawh bawk.
Congress hi tun hnaia state eng emaw zat inthlana an chak theih loh avang leh party chhung leh worker-te pawhin an pawl chu a hniam ber atanga insiksawi a ngai tia an sawi uar mek laiin hetiang hian hma an la thar.
Member thenkhat chuan an inthlan kalpuiu dan tur leh memberinziah luh dan chu an sawisel a. Hemi chungchangah hian party chuan membership app siamin worker leh hruaitute chu chhawng lia finfiahna paltlanga an inziah luh theih thu a sawi.
App hi an hruaitu leh worker tih bikte hman theih tura tih a ni.
India ramah hian kal dan phung pangngaiah chuan political party-te hian member an lak dawn hian worker leh hruaituten inziah luhna lehkhaah an hming, address leh tul dang ziak lutin membership fee an pektir thin.
Hetiang kalhmangah chuan finfiahna tha tawk a awm loh avangin dik lo leh member tak tak ni lo ziah luh a awm tam thin a. Ziah luhna lehkhate pawh party office-a kudamah an tiang ul a, party inthlana vote thlak thei tur chin engmah rem leh tihfel zui a awm lo bawk.
Congress-in an member an ziah luh dan thar hi BJP-in ‘missed call’ membership drive an tih, party chief-a Amit Shah a tan laia an kalpui tan nen chuan a danglam.
Congress hi mi vaibelchhe 2.5 chuangin digital membership drive hmangin state 20 atangin an inziak lut tawh.
Tun hnaia inthlanna state pangaah erawh hetianga inziah luhna hi kalpui a la ni lo.
Chhim lam state panga state – Karnataka, Telangana, Tamil Nadu, Kerala leh Andhra Pradesh chu inziak lut tawh zinga 55% zet thawhtu an ni a. Maharashtra-in 12% thawhin chhim lam state panga leh Maharashtra hi Congress la thatna nia ngaih a ni.