Kartawp kan lo thleng leh ta a, hun awl leh hmun awl in siam a, hahdam taka awm a pawimawh. Kartluanin hna kan thawk a, hemi hun chhung hi chuan mahni tuizawng leh nuam tihzawng te buaipui a tha. Movie en mai tur hre lo te tan remchanna siamsak a ni dawna a, movie ngaina te tan tun kartawpa en tur list chhawp-chhuah a ni e. En nuam le!
AMAZON PRIME VIDEO
A very British Scandal Season 2
Filmstar lar Claire Foy-i’n Margareth Cambell lema a channa hi hmaih chi a ni lovang. 2016 kuma John Preston lehkhabu tih-chhuah hming chawia siam ni bawkah hian 1960s chhoa Duke &Duchess of Argyill te inthenna sawi hlawh leh sawi hat hat a tlinna chhan chiang takin i hmu ang.
Oh My Dog
Siberian husky mitdel leh Arjun te inkara inlaichinna mawi leh duhawm tak i hmu dawn a; Fernando-a’n a thuihhruai pakhat hnenah Ui note that tura thupek khauh tak mai nen chechhuak mah se, Uite hi a tlanbo hman hlauh. A hnu-a rawn let leh a, a tihthaih dan pui tak i hmu chhunzawm nghal ang.
Guilty Minds
Hetah hian Shriya Pilgaonkar and Varun Mitra play Kashaf Quaze leh Deepak Rana te lemchan turu tak en theih a ni ang. Kashaf hi PIL lamah a thawk a, Deepak ve hung erawh corporate lawyer nih ngei tum a ni. Courtroom-ah a intawng chiah erawh an hawina lam a dang daih. Tualthah thubuai tihnun thar leh a ni a, an inhmu tui lo zui viau a, na takin an inbei nghal.
DISNEY+ HOTSTAR
MasterChef Australia Season 14
Season thar hmuhnawm tak hi Judges Jock Zonfrillo, Andy Allen leh Melissa Leon te’n an tiphuisui lehzual. Season hmasa lama winner te- Julie Goodwin, Sashi Cheliah, Billie McKay te’n ei lama tuimi mi 12 te nen intihsiakna runpui an hmachhawn dawn a, chona thar diai mai, pressure na tak kengtel bawk si chu an tawntlang thei ang em?
The Last Tepui
He film hi Aprill 22 nimin khan Earth Day puala tlangzarh a ni a, tlanglawn thiam tak takte’n ramsa la hmuh ngaih loh zawnchhuah ngei tuma an chetchhuahna a ni.
The Biggest Little Farm: The Return
John leh Molly Chester te’n Los Angeles tlan san a, an mahni thar leh chin ngei seng tura hmun nuam leh boruak thiang tak hnuaia an chetvelna a ni. Mit la tak tak a tam a, ngaihtuahna a hruai vawng vawng mai.
Polar Bear
Ramsa chanchin leh an thawnthute i tuipui a, an khawsak leh chetevel danin i lung a kuai hle a nih bawk chuan Polar Bear hi i mamawh chhanna a tling ang. Mommy polar bear leh a fate awm dan, an nitin nun hman dan te i thlir thei ang a, climate change vanga harsatna an tawh theih dan te i hmu bawk ang.
NETFLIX
Riverdale
American teen drama hmuhnawm, tleirlawl thenkhatte’n khaw pakhat- tharum thawhna hluar em em, thlahrang leh ramhuai chetvel tamna nia sawi ni bawk, chhiatna rapthlak thleng thut thi reng nia puanna ni bawkah hian eng chhanna nge an dawn dawn i hriat duh chuan bur chat rawh le.
Better Call Saul Season 6
Emmy award dawng thei tura nomination hmu pha ngat a ni a, Season 5 hlawhtling tak kalpui a nih hnu-ah Season 6 a lo thleng ta. Walter White leh Jesse Pinkman te inkarah ‘chemistry’ i la hmu lo a nih chuan hmet chhuak rawh le. Tifuh hle turah inngai la, a dik mai!
Russian Doll 2
Hei pawh hi season 2 nen a rawn lang leh ta a, New York party pakhat chhim ngei tum hmeichhe tleirawl chanchin dangdai tak, phur viau e ti lo chuan zan lamah a thi ziah mai a, zing a lo ni a, him pialin a tho leh thin bawk si a.. Engnge ni reng reng a, engnge lo thleng zui dawn le?