Thlarau damna zawngin India-ah Will Smith lo zin

Hollywood star Will Smith-a’n inrinni khan India leilung a rap ta a, Oscar sem zawh taka Chris Rock a ben hnu lama vantlang hmaa a inlan lehna hmasa ber a ni.
Smith hian India rama sipiritual leader Sadhguru a hmu dawn nia sawi a ni a, thlalak tihchhuah hian midangte nena hlim taka an inbe lai hmuh tur a awm.
‘The Pursuit of Happinises’ film-a inlan hian Oscar hnu lamah khan a mawi lo leh fuh loh zawngin sawi hat hat a tling a, media hrang hrang phek hma a luah chho nghal zut zut. Comedian Chris Rock-an a nupui Jada Pinkeet-a lukawlh dan fiamthu hmanga a kah hnu ah Smith hi dawhsanah lawn chhovin Chris hi a beng a ni.
He thil thleng hi Oscar buatsaihtute leh thuneitute’n an ngai thua tak hle a, hremna na tak a chungah an lek nghal. Tun atanga kum sawm chhung Oscar award semnaah Smith inlan phalsak an ni dawn lo.
Hemi tuma ‘King Richard’ flm atanga Best Actor dawngtu ni bawk hi nominaton-a a lan erawh khapsak a ni lova, award dawn thlengin khap a ni lo bawk.
Sill Smith hi JW Marriot Hotel, Mumbai-ah a thleng a, India rama a cham rei dan tur sawi ni lo mah se, India hi a mikhualna hmun a ni lova, vawi hnih thum lai a lo kal tawh a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427