“Vawi tam intihhlumah min vau!”

Tunlaia court thubuai ngaihven hlawh ber ni mek Johnny Depp leh a nupui hlui Amber Heard te inkara inkhinbuainaah Hollywood superstar Johnny chuan Amber hian eng emawa inhauh deuh hlekah intihhlum ah a vau fo thin, a ti.
A nupui lakah ihtihhmingchhiatna thupui hmanga beilettu chuan a nupui actress ni bawk hi tawngkam na tak taka an inhauh hlek tawh chuan intihhlumah a vau sek a, vawi hnih kha mai ni lovin, vawi tam tak a sawi chhuak thin, a ti bawk.
“Ms Heard hian intihhlum chungchang hi vawi eng emawzat a sawi tawh a, hei hi a meizawnghlaptu pakhat a tling. Heti ang hriat reng tawh chuan Thluaka a tha lo zawngin hna a thawk a, hlauhna in ka khat thin,” tiin Johnny hian a sawi.
Nupa intihthiam loh vanga dawhtheihna zawng zawng hloh a, chhuahsan mai a tum te hian, ‘A tel lo chuan a nung zo dawn lo’ niin din chilh meuhin, a dang thin nia sawi bawkin, “Chhuahsan vawi tam ka tum thin a, elevator-ah te min dang a, security guard te nen.. a tap a, a au vak vak a, ‘I tel lo chuan ka dam zo lo vaang. Ka thi a ni mai,’ niin Court hmaah a sawichhuak a ni.
Johnna Depp hian 2018 kuma Washington Post chanchinbua a nupui hlui Amber-in a puhna leh mawhchhiatna chungchangah intihhmingchhiat thubuai siamsakin, tunah hian Court-ah chai laih laih a ni mek.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427