Cooperation department-in nimin khan Champhaiah Van Dhan Vikas Kendra Cluster (VDVKC) 11 te hnenah Prime Minister Van Dhan Yojana (PMVDY) atangin kuthnathawktute hnenah hnathawhna tur hmanraw chi hrang hrang an sem.
Hmanraw chi hrang hrang te hi Champhai district-a VDVKC 6 leh Khawzawl district-a VDVKC 5 te hnenah second phase sem a ni a. Hmanraw sem te hi – Vaimin, hmarcha, aieng leh sawhthing herna khawl, a nuaina khawl, a phorona khawl te bakah khuai khawitute mamawh hmanraw chi hrang hrang leh thingpui chingtute mamawh hmanraw hrang hrang te sem a ni.
Sorkar thuchhuahin a tarlan danin Champhai district-ah hian kum 2020 atangin Van Dhan Mission hi kalpui tan a ni a. Vaimim bakah hmunphiah, khuaizu, handloom, hmarcha,thingpui te chu he mission hnuaia undivided Champhai district-a hmalakna langsar zualte an ni.
November ni 16-30, 2021 a New Delhi-a Tribal cooperative marketing development federation of India (TRIFED) buatsaih National tribal festival ‘Aadi Mahotsav’ ah Champhai district-a Leisenzo VDVKC-in Van Dhan hnuaia an Thingpuife siam phochhuak a. March ni 8, 2022 ah Champhai Bethel VDVKC leader Laldinngheti chu TRIFED-in Van Dhan Mission hlawhtlinna atana a thawhhlawk avangin Women achiever-ah an thlang bawk.
PMVDY hi India rama tribal te hmasawnna tura Ministry of Tribal Affairs kaltlanga April ni 14, 2018 atanga tan a ni a. TRIFED chu kutke pawimawh taka hmang chungin state sorkar nen tangrualin PMVDY hi kalpui a ni.